Beıjińde «El júregi - Astana» atty basketbol týrnıri ótkizildi
Jarysqa 4 komanda qatysty. Qyryqqa jýyq sportshynyń qatarynda - qazaqstandyq dıplomattar men ulttyq kompanııalardyń ókilderi boldy. Týrnıge qatysýshylar aldynda Qazaqstannyń QHR-daǵy Elshisi Shahrat Nuryshev sóz sóılep sáttilik tiledi.
Týrnırdiń eń nátıjeli oıynshysy Baýyrjan Japarov, úzdik dop qaǵyp alýshy- Tımýr Málikov, úshupaıly dop salýdan úzdik - Nurlan Baıjanov tanyldy. «Úzdik dop bermeýshi» Rýstam Týpıı atandy.
«Egemendik tusyndaǵy 20 jylda Astanamyz saıası, ekonomıkalyq jáne mádenı-gýmanıtarlyq salalarda ǵana tanylyp qoımaı, sport baǵyytnda da kózge tústi. Osyndaı sharalar Otanymyzdan shalǵaıdaǵy bizderge Astananyń 20 jyldyǵyn sezinýge múmkindik beredi. Elordanyń mereıtoıy - bul barsha qazaqstandyqtar úshin óte mańyzdy oqıǵa», - dedi «QazAqparat» HAA tilshisine bergen suhbatynda B.Japarov.
Eske sala ketsek, 2017 jyly 27 qyrkúıekte QR Prezıdenti N.Nazarbaev bekitken «El júregi - Astana» Qazaqstan astanasynyń 20 jyldyǵyn atap ótý jónindegi tujyrymdamasy túrli qoǵamdyq-saıası jáne mádenı-buqaralyq is-sharalardy uıymdastyrýdy qarastyrady.
«El júregi - Astana» aıasynda QHR-daǵy Qazaqstan elshiligi aqpan aıynda tennıs týrnırin, naýryzda fýtbol chempıonatyn uıymdastyrdy.
Avtor: Sadyq Ákijanov