Beıjińde ekologııalyq polıtsııa quryldy
ASTANA. QazAqparat - Beıjiń bıligi kók tútinmen kúresýge baǵyttalǵan jańa ekologııalyq polıtsııany qurdy.
Bul týraly The Telegraph agenttigi habarlady.
Jańa qurylymnyń mindetine qoqysty, aǵashty, sondaı-aq bıomaterıaldardy zańsyz jaǵý oqıǵalaryn baqylaý kiredi. Onymen qosa, ekologııalyq polıtseıler ashyq aspan astynda barbekıý daıyndamaq bolǵandardyń áreketin kesetin bolady.
Іenta.ru-dyń jazýynsha, Qytaıda sońǵy jyldary ekologııalyq ahýal kúrt kúrdelene tústi. Aýaǵa ónerkásiptik shyǵaryndylar qospalarynyń tym kóp laqtyrylýynan qala jıi qoıý tútin qursaýynda qalady.
Qańtar aıynyń basynda Beıjińde aýanyń lastanýynyń ekinshi - «sarǵylt» deńgeıi engizildi. Osyǵan baılanysty, qalanyń joǵary jyldamdyqty alty kúre jolynda kólik qozǵalysy toqtatyldy. Sondaı-aq birqatar qurylys nysandary men kásiporyndarda jumystar ýaqytsha toqtatyldy.
Foto: Liga.net
