Beıjińde bolǵan nóser jańbyrdyń saldarynan 37 adam kóz jumdy
ASTANA. 23 shilde. QazAqparat - Anyqtalǵan málimetter boıynsha, Beıjińde nóser jańbyrdyń saldarynan kóz jumǵandardyń sany 37 adamǵa jetti,
dep habarlady Agence France-Presse qytaılyq BAQ-ǵa silteme jasaı otyryp. Buǵan deıin Qytaıda bolǵan rekordty nóser jańbyrdyń saldarynan 10 adamnyń qurban bolǵandyǵy jaıly habarlanǵan bolatyn. Alaıda zardap shekken aýdandardy tekserý kezinde qalalyq bılik ókilderi 30 máıitti anyqtady.
Tolassyz quıǵan jańbyr sońǵy 60 jyl ishindegi qaıtalanbaǵan qubylys. Ol 21 shilde kúni bastaldy. Habarlanǵandaı, qalada ortasha alǵanda 212 mıllımetr jaýyn-shashyn jaýdy, al shet aımaqtaǵy Fanshan aýdanynda bul kórsetkish eki eselenip, 460 mıllımetrdi qurady.
Beıjińdegi joldardyń basym bóligi belden keletin sýdyń astynda qaldy. Qytaı astanasynan ushatyn 500-ge jýyq reıs keıinge shegerildi. Keltirilgen materıaldyq shyǵyn eseptelý ústinde.
Sonymen qatar nóserli saldarynan Qytaıdyń soltústik-shyǵys jáne ońtústik-batys aýdandary da zardap shekti, ol jerde juma kúni kem degende 10 adam qaza tapty.
