Beıjińde bıyl alǵash ret qar jaýdy
BEIJІŃ. QazAqparat - Búgin Beıjińde Astana ýaqyty boıynsha saǵat 10-00-der shamasynda bıylǵy jylǵy alǵashqy qalyń qar tústi, dep habarlady Qytaıdaǵy «QazAqparat» HAA menshikti tilshisi.
Aýa temperatýrasy - nól. Búgin eń joǵary temperatýra - 1 gradýs, eń tómengi deńgeı - 6 gradýs bolady.
Sońǵy jyldary Aspan asty elinde qar sırek jaýatyn boldy. Beıjińde bıyl 7 qańtarda shaǵyn mólsherde qar jaýyp, birden erip ketken. 
Ádette, qardyń qalyń túsýinen Beıjińdegi Shoýdý áýejaıynda reıster keshigip, keıbiri keıinge qaldyrylyp jatady.
Meterologtar qalalyqtarǵa qardy ustamaýǵa keńes berýde, sebebi qar aýa arqyly lastanǵan zattardy ózine sińirip alady.
