Beıjińde birinshi Búkilálemdik jaýyngerlik sheberlik oıyndarynyń jabylýy boldy
BEIJІŃ. Qyrkúıektiń 6-sy. QazAqparat /Rýslan Súleımenov/ - Beıjińde birinshi Búkilálemdik jaýyngerlik sheberlik oıyndarynyń jabylýy boldy. Bul 2008 jyly Beıjińde ótkizilgen Olımpıada oıyndarynan keıin uıymdastyrylyp otyrǵan eń aýqymdy joǵary deńgeıdegi halyqaralyq sporttyq is-shara bolyp otyr. Segiz kúnge jalǵasqan jarysqa álemniń 105 eli men aımaqtarynan kelgen 2059 adam qatysty.
Reseıden kelgen komanda qorjynyna 18 altyn, 1 kúmis jáne 10 qola medal sala otyryp, reıtıngide alǵashqy orynǵa shyqty. Ekinshi oryndy Qytaıdyń qurama komandasy enshiledi. Ýkraına, Frantsııa, Italııa, Japonııa komandalary úshinshi men altynshy oryn aralyǵynda tur. Báıge barysynda jalpy sany 378 medal, sonyń ishinde 13 jaýyngerlik sheberlik boıynsha 118 altyn medal oınatyldy, medal sandary boıynsha reıtıngige 64 komanda tizildi. Qazaqstan 24-orynǵa ıe boldy. Bizdiń quramanyń qaltasynda 1 altyn, 3 kúmis jáne 3 qola medal bar.
Ekinshi Búkilálemdik jaýyngerlik sheberlik oıyndary 2013 jyly ótetin bolady.
