Beıjińde bir aptanyń ishinde A/H1N1 tumaýyn juqtyrýdyń 33 oqıǵasy tirkeldi
BEIJІŃ. 21 qańtar. QazAqparat /Rýslan Súleımenov/ - 10-16 qańtar aralyǵynda Qytaı elordasynda A/H1N1 tumaýymen aýyrýdyń 33 oqıǵasy tirkelgen.
Bul týraly beısenbi kúni Beıjiń densaýlyq saqtaý basqarmasy habarlady.
«Sınhýa» agenttiginiń habarlaýynsha, Beıjiń densaýlyq saqtaý vedomstvosy aqpan aıynda atap ótiletin Kóktem merekesine - Aı kúntizbesi boıynsha Qytaı Jańa jylyna baılanysty A/H1N1 tumaýyn juqtyrý oqıǵalarynyń kóbeıý yqtımaldyǵy týraly eskertip otyr. Bul mereke kezinde qytaılyqtardyń deni, negizinen aýyldy jerde turatyn mıgrant-jumysshylar, stýdentter, merekeni otbasylarda qarsy alý úshin úılerine barady.
Aýrýlardyń aldyn alý jáne olardyń oshaqtaryn baqylaý jónindegi Beıjiń ortalyǵynyń basshysy Den Innyń aıtýynsha, aıdyń basynan beri, ıaǵnı 1 qańtar men 16 qańtardyń aralyǵynda Beıjińde A/H1N1 tumaýynyń 51 oqıǵasy tirkelgen. Olardyń bireýi - aýyr jaǵdaıda, degenmen ázirge adam ólimi tirkelgen joq.
