Beıjińde BHÓJ jyl saıynǵy sessııasy jumysyn bastaıdy

Sessııany QHR Memlekettik keńesiniń premeri Lı Ketsıan ashyp, úkimettiń 2014 jylǵy jumysy týraly baıandama jasaıdy, sondaı-aq zań shyǵarýshylarǵa 2015 jylǵa arnalǵan áleýmettik-ekonomıkalyq damý josparyn usynady.

Halyq qalaýlylary sondaı-aq ótken jylǵy bıýdjettiń oryndalý qorytyndysymen tanysady jáne aǵymdaǵy jylǵa arnalǵan onyń jobasyn bekitedi.

15 naýryzǵa deıin sozylatyn sessııa barysynda halyq qalaýlylary Joǵarǵy halyqtyq prokýratýranyń jáne Joǵarǵy halyq sotynyń baıandamamalaryn tyńdaıdy, birqatar zańdar qabyldaıdy, sonyń ishinde «Zańnamalyq qyzmet týraly» zań jobasy da bar.

BHÓJ delegattarynyń nazary saıası-ákimshilik jáne áleýmettik-ekonomıkalyq reformalardy tereńdetýge, sybaılas jemqorlyqpen kúreske aýdarylady. Mysalǵa, ruqsat berý rásimderin ońaılatý, Shanhaı erkin saýda aımaǵy tájirıbesin keńeıtý, bilim jáne zeınetaqy júıelerin jetildilý, halyqty medıtsınalyq qamtý, qorshaǵan ortany qorǵaý jáne basqa da máseleler qaralady.

Qytaı úkimeti fıskaldyq reformalardyń eki jyldyq baǵarlamasyn jasady, onyń esebinen salyq salý jáne jergilikti atqarýshy organdardy qarjylandyrý jaqsara túspek. BHÓJ sessııasy «Bkr beldeý - bir jol» halyqaralyq jobasyn talqylaıdy, onda Qytaı usynǵan «jańa norma» jaǵdaıynda ekonomıkany qurylymdyq ózgertý máseleleri qaralady.

Eske sala keteıik, 2013 jyly kúzde Qazaqstan men Indonezııaǵa saparlary kezinde QHR Tóraǵasy Sı Tszınpın «Jibek jolynyń ekonomıkalyq beldeýin" jáne «HHІ ǵasyrdaǵy Teńiz Jibek jolyn» birlese otyryp qalyptastyrý bastamasyn usynǵan bolatyn.

BHÓJ sessııasymen qatar dástúrli túrde Búkilqytaılyq halyqtyq saıası konsýltatıvtik keńesi ótedi. QHR Memlekettik Keńesiniń tóraǵasy Lı Ketsıan eki sessııanyń qorytyndysymen 15 naýryz baspasóz máslıhatyn ótkizedi.