Beıjińde avtobýs bazardaǵy adamdardy qaǵyp ketti
ASTANA. QazAqparat - Beıjińniń soltústigindegi Chanpın aýdanynda shaǵyn avtobýs aýyl sharýashylyǵy bazarynda júrgen adamdardy qaǵyp ketti. Tórt adam mert boldy, ózge de zardap shekkender bar.
Sınhýa agenttiginiń habarlaýynsha, oqıǵa sársenbi kúni túski úshterde oryn alǵan. Belgisiz sebeptermen shaǵyn avtobýs Machıkoý kentindegi bazarǵa soqtyǵysqan.
Barlyq zardap shekkender aýrýhanaǵa jetkizildi. Mıkroavtobýs júrgizýshisin polıtsııa qamaýǵa aldy. Oqıǵanyń mán-jaıy anyqtalýda.
