Beıjińde Aýǵanstan jónindegi Stambýl úderisiniń 4-shi mınıstrlik konferentsııasy ótti
ASTANA. QazAqparat - 30-31 qazanda QHR astanasy Beıjiń qalasynda Aýǵanstan jónindegi Stambýl úderisiniń 4-shi mınıstrlik konferentsııasy ótip, oǵan 14 qatysýshy-memleket pen úderisti qoldaıtyn 16 eldiń, sondaı-aq BUU, IYU, ShYU, AÓSShK, EO qataraly halyqaralyq uıymdardyń ókilderi qatysty, dep habarlady QR SІM.
Qazaqstandyq delegatsııany QR Syrtqy ister mınıstriniń orynbasary Asqar Mýsınov basqardy. Ashylý rásiminde QHR Memlekettik keńesiniń premeri Lı Ketsıan Stambýl úderisiniń Aýǵanstanǵa beıbitshilikti ornatý jáne turaqtylyqty nyǵaıtýda kómek kórsetý boıynsha halyqaralyq áreketterin úılestirý isindegi mańyzdylyǵyn atap ótti. Aýǵanstan prezıdenti Ashraf Ǵanı Ahmadzaı aýǵan halqyna kórsetken kómegi úshin jáne AIR úkimetine járdemdesý úshin úderistiń barlyq qatysýshylaryna alǵys bildirip, Qazaqstan Respýblıkasynyń AIR-da beıbitshilikti ornatýda róline jáne Prezıdent Nursultan Nazarbaevtyń bastamalaryn erekshe atap ótti. Qazaqstandyq delegatsııanyń basshysy Qazaqstan Aýǵanstanda turaqtylyq pen qaýipsizdikti nyǵaıtý jónindegi halyqaralyq áreketterin tolyq qoldaıtynyn jáne Stambýl úderistiń belsendi qatysýshysy bolyp tabylatynyn málimdedi. Ol Aýǵanstan jónindegi Stambýl úderistiń 3-shi mınıstrlik konferentsııasynyń 2013 jylda Almaty qalasynda ótkizilgenin eskertti. A.Mýsınov Elbasymyzdyń bastamasymen Qazaqstan kóp jyldar boıy Aýǵanstannyń áleýmettik-ekonomıkalyq damýyna óz úlesin qosýda jáne naqty is-sharalardy iske asyrýda. Osy is-sharalar ishinde - azyq-túlik pen janar-jaǵarmaı materıaldardy joldaý, AIR birqatar ólkelerinde mektep, aýrýhana jáne joldardy salý. Sonymen qatar, 2010 j. bastap aýǵandyqtardy Qazaqstannyń joǵary bilim oryndarynda azamattyq kásipterge (dáriger, muǵalim jáne t.b.) oqytý boıynsha keń kólemdi baǵdarlama júrgizilýde. 4-shi konferentsııanyń qorytyndylary boıynsha Aýǵanstan jónindegi Stambýl úderisiniń Beıjiń deklaratsııasyna qol qoıyldy. Aýǵanstan jónindegi Stambýl úderisi 2011 j. qarashada Stambýlda «Azııanyń júregi» atty Aýǵanstan boıynsha syrtqy ister mınıstrleri deńgeıindegi halyqaralyq konferentsııasynyń nátıjesinde bastaldy. Onyń negizgi maqsaty - Aýǵanstannyń turaqtylyǵy men qaýipsizdigin nyǵaıtýǵa jáne osy óńir men halyqaralyq qoǵamdastyǵynyń ekonomıkalyq jáne saıası ómirine úılesimdi ıntegratsııasyna járdemdesý.
