Beıjińde Almaty metrosynyń qurylysyna qytaılyq kompanııanyń qatysýy talqylandy
BEIJІŃ. QazAqparat - 8 tamyzda Qazaqstannyń QHR-daǵy elshisi Shahrat Nuryshev «China Gezhouba group international engineering Co Ltd» bas dırektory Lıý Tszesıanmen kezdesti.
Kelissózder barysynda Lıý Tszesıan Ortalyq Azııa aýmaǵynda kompanııanyń iske asyryp jatqan jobalary arasynda Qazaqstan ınvestıtsııa kólemi jaǵynan jetekshi oryn alatynyn atap ótti. Jaqyn arada korporatsııa óńirlerdiń áleýmettik-ekonomıkalyq damýyna yqpal etetin Qyzylorda oblysy men Almaty qalasynda iri jobalardy júzege asyrýdy josparlap otyr.
Qytaı kásipkeri sondaı-aq, Almaty metrosynyń qosymsha salalaryn salý jobasy Qazaqstan men Qytaı arasyndaǵy ındýstrııalandyrý jáne ınvestıtsııalar baǵdarlamasy aıasynda júzege asyrylyp, 51 jobanyń tizimine engizilgenin de atap ótti.
Sh.Nuryshev jobanyń sátti aıaqtalýyna tilektestik bildirip, atalǵan jobalardy keńirek talqylaý maqsatynda korporatsııa basshylyǵyn tamyz aıynda Qazaqstanǵa shaqyrdy.
«Gezhouba» 1970 jyly qurylǵan eske salamyz. Kompanııanyń qyzmeti qurylysy, tehnıkalyq qyzmet kórsetý, GES, jylý elektr stansalarynda, atom elektr stansalaryna, joǵary jyldamdyqty temir jol, avtomobıl joldary, áýejaılar, sondaı-aq ınfraqurylym nysandarynyń jumysyn qamtamasyz etý syndy salalardy qamtıdy.
Qyzmetkerlerdiń sany 40 myń adamnan asady. «Gezhouba» kompanııasy álemdegi eń iri sý elektr zaýyty - «Úsh shatqal» GES qurylysynyń negizgi merdigeri bolǵan.
