Beıjińde alǵash ret COVID-19-dyń brıtanııalyq shtamy anyqtaldy

BEIJІŃ. QazAqparat – Beıjińde COVID-19 ınfektsııasynyń brıtanııalyq shtamyn juqtyrýdyń alǵashqy jaǵdaılary anyqtaldy, dep habarlaıdy «QazAqparat» HAA tilshisi elordalyq aýrýlardy baqylaý jáne aldyn alý ortalyǵynyń málimdemesine silteme jasap.

Beıjińdegi aýrýlardy baqylaý jáne aldyn alý ortalyǵynyń ókilderiniń aıtýynsha, koronavırýstyń eki jaǵdaıyn taldap, olar Ulybrıtanııada tabylǵan shtamǵa jatady degen sheshimge keldi.

COVID-19 ınfektsııasynyń eki jaǵdaıy Beıjińniń eń iri halyqaralyq áýejaıy ornalasqan Dasın aýdanynda anyqtaldy. Bılik ótken jyldyń 10 jeltoqsanynan keıin Beıjińge shetelden nemese Qytaıdyń basqa aımaqtarynan kelgen barlyq adamdardy tekseredi.

Beıjiń ákimshiligi, sondaı-aq, Dasın aýdanynyń turǵyndaryna COVID-19 jańa jaǵdaılarynyń anyqtalýyna baılanysty qaladan shyǵýǵa tyıym saldy.

Beıjińde epıdemııalyq jaǵdaıdyń nasharlaýyna baılanysty balabaqshalardy 21 qańtardan bastap jabý jáne barlyq oqýshylardy 23 qańtardan bastap onlaın oqytý kóshirý týraly sheshim qabyldandy.