Beıjińde Ahmet Baıtursynuly men Roza Baǵlanovanyń qurmetine estelik konvert shyqty

BEIJІŃ. QazAqparat - Qytaı astanasynda eki mereıtoıǵa - Ahmet Baıtursynulynyń 150 jyldyǵy men Roza Baǵlanovanyń 100 jyldyǵyna arnalǵan estelik konvertterdiń tusaýkeseri ótti, dep habarlaıdy QazAqparattyń menshikti tilshisi.

Konvertterdiń birinde kórnekti aǵartýshy jáne qoǵam qaıratkeri Ahmet Baıtursynuly, ekinshisinde aty ańyzǵa aınalǵan ánshi Roza Baǵlanova beınelengen.

Jıyn barysynda óskeleń urpaq ókilderine lektsııa uıymdastyrylyp, onda reformator-ǵalym, qazaq til bilimi men ádebıettaný ǵylymynyń negizin salýshy Ahmet Baıtursynulynyń ómiri men qyzmeti týraly aıtyldy.

Shara kontserttik baǵdarlamaǵa ulasty. Qonaqtar men jas kórermenderge Aqqý bıi erekshe unady.