Beıjińde 65 mıllıon ıýandy jymqyrǵan qarjyger ólim jazasyna kesildi
ASTANA. Jeltoqsannyń 10-y. QazAqparat - Beıjińde qundy qaǵazdar saýdasymen aınalysatyn úlken kompanııanyń fılıalynyń basshysy ıAn ıAnmın ólim jazasyna kesildi.
«Geleksı sekıýrıtız» bóliminiń 51 jastaǵy bas menedjerine 65,4 mıllıon ıýan (10 mıllıon AQSh dollary) somany jymqyrdy jáne taǵy 25 mıllıon ıýandy «maqsatsyz jumsady» degen aıyptar taǵylǵan bolatyn. 2004 jyly tutqyndalǵan qarjyger alaıaqtyǵy úshin atý jazasyna kesilgen jáne jazasy oryndalǵan birinshi qytaılyq treıder bolyp otyr.
Biraq ta jymqyrylǵan 60 mıllıon ıýan somanyń qaıda ekeni ázirge «belgisiz bolyp qalyp otyr», dep jazdy "Chaına deılı" basylymy búgin. Jazasy oryndalardyń aldynda ıAn ıAnmın eki apaıymen kezdese aldy. Joldasy isti bolardyń aldynda ajyrasyp ketken alaıaqtyń burynǵy jubaıy, aqtyq kezdesýden bas tartqan, dep habarlaıdy qytaılyq basylym.
