Beıjińde 3D-prıntıngi arqyly turǵyn úı salyndy (FOTO)
BEIJІŃ. QazAqparat - Beıjiń qalasynyń Týnchjoý qalalyq okrýginde tolyqtaı 3D-prıntıngi ádisimen salynǵan álemdegi alǵash turǵyn úı boı kóterdi, dep habarlady «Jenmınvan».
Jeke 3D prınterinde basyp shyǵarylǵan bólikterdi qosý arqyly salynǵan burynǵy ǵımarattardan ereksheligi eki qabatty vılla tolassyz quıý arqyly salyndy.
Ǵımarat alańy - 400 sharshy metr, qabyrǵa qalyńdyǵy - 250 sm. Ár qabattyń bıiktigi 3 metr, úı 45 kúnde salyndy. Qurylys úderisi tolyqtaı kompıýtermen baqylandy.
Eske salsaq, 3D-prınteri - sandyq 3D-úlgisi boıynsha jeke nysandy qabattap salý ádisimen paıdalanylatyn perıferııalyq qurylǵy.
3D-baspany túrli tásilmen, túrli materıaldardy paıdalanyp júzege asyrýǵa bolady. Olardyń negizine qatty nysandy qabatty (ósirip) salý qaǵıdaty qoldanylady.
