Beıjińde 2500 shaǵyn kásiporyndy japqaly jatyr
ASTANA. QazAqparat - Qorshaǵan ortany qorǵaý maqsatynda aǵymdaǵy jyldyń sońyna qaraı Beıjińniń tórt aýdany - Fentaı, Fanshan, Týnchjoý jáne Dasınde 2500 shaǵyn kásiporyndy jabý josparlanyp otyr.
Al 2017 jyly qalada osyndaı kásiporyndardyń qyzmetin toqtatý boıynsha jumystyń aıaqtalýy kútilýde. Bul týraly qala merııasynan habarlady.
Málim bolǵandaı, eki jyl boıy Beıjiń bıligi qaladaǵy Dýnchen, Sıchen, Haıdıan, Chaoıan, Fentaı jáne Shıtszınshandi qosa alǵanda alty basty aýdanda kómirdiń paıdalanylýyna tolyq tyıym salmaq. Qala ákimshiligi úılerin kómirmen jylytatyn 600 myń otbasy aldaǵy bes jyldyń ishinde ekologııalyq taza energııa kózderin paıdalanýǵa kóshedi dep eseptep otyr.
