Beıjińde «100 spartalyq qaharman» qoǵamdyq tártipti buzǵany úshin ustaldy
ASTANA. QazAqparat - Beıjiń qalasynda «300 spartalyq» fılmindegi keıipkerlerdiń kıimine uqsas qara bylǵary kúrte, qyzyl japqysh jamylǵan 100-ge jýyq jas adam qoǵamdyq tártipti buzǵany úshin tutqyndaldy dep habarlady «VVS» agenttigi.
Ózderin «300 spartalyqqa» uqsatqan jastar ádeıi kıinip kelip, Beıjiń aýdandarynyń birinde jınala bastaǵan. Bir jerge toptasa bastaǵandardy kóshede ótip bara jatqan adamdar sýretke túsirip, qyzyqtaı bastaıdy. Alaıda, polıtsııa jartylaı jalańash jastardyń bul qylyǵyn qoǵamdyq tártipti buzý dep sanap, tezirek tarqaýdy talap etken.
Alaıda, tártip saqshylarynyń aıtqanyna olar baǵynǵysy kelmedi. Polıtsııa «spartalyqtardyń» «erkeligin» kótermeı barlyǵyn qamaýǵa alady.
Tergeý kezinde anyqtalǵandaı jastar, tamaq taratý úshin arnaıy kıindirip qoıǵan jergilikti dámhana jaldaǵan adamdar bolyp shyqty.
