Beıjińde 1 mln adamǵa COVID-19 qarsy vaktsınanyń alǵashqy dozasy egildi

BEIJІŃ. QazAqparat - Beıjińniń bir mıllıonnan astam turǵynyna COVID-19 vırýsyna qarsy vaktsınanyń alǵashqy dozasy egildi, dep habarlaıdy QazAqparat tilshisi densaýlyq saqtaý isteri jónindegi mýgnıtsıpaldyq komıssııaǵa silteme jasap.

Beıjiń bıligi el astanasy turǵyndarynyń bir bóligine koronavırýsqa qarsy vaktsınanyń birinshi dozasyn egýdi aldaǵy jumaǵa qaraı aıaqtaıtyny kútilip otyr.

Koronavırýs boıynsha qaýipti toptarǵa keden qyzmetkerleri, ekspedıtorlar men júk tasýshylar, sondaı-aq sheteldik jáne ishki tasymal sektorynda qyzmet etýde jumyldyrylǵan adamdar jatqyzyldy.

Beıjińde koronavırýsqa qarsy vaktsına egý protsesin aǵymdaǵy jyldyń 12 aqpanynda bastalatyn Qytaıdaǵy Jańa jyl merekesine qaraı aıaqtaý shamalanyp otyr.

Eske sala keteıik, Qytaı turǵyndaryn SOVID-19 vırýsyna qarsy vaktsınatsııalaý ótken jyldyń 15 jeltoqsanynda bastaldy.