Beıjińde 1 qańtardan bastap pırotehnıka qoldanýǵa tyıym salyndy

BEIJІŃ. QazAqparat – Qytaı astanasynyń ákimshiligi 1 qańtardan bastap qala aýmaǵynda otshashý men basqa da pırotehnıkany qoldanýǵa tyıym saldy. Bul týraly juma kúni «Sıntszınbao» gazeti málim etti, dep habarlaıdy QazAqparat.

Basylymnyń naqtylaýynsha, atalǵan ereje jańajyldyq mereke kúnderi de qoldanylady. Beıjińde endi pırotehnıkalyq buıymdardy satyp alýǵa bolatyn saýda oryndary bolmaıdy.

Bul erejelerdi buzǵan azamattarǵa aıyppul salynady. Basylym aqparatyna sáıkes, Qytaıda endi otshashýǵa jalpyulttyq jáne qalalyq deńgeıdegi sharalardy ótkizý kezinde úkimettiń arnaıy ókimimen ǵana ruqsat etiledi. Degenmen erejeniń Beıjińniń shyǵys bóliginde qyrkúıekte ashylǵan Universal Beijing Resort demalys saıabaǵyndaǵy oıyn-saýyq shoýyna ǵana qatysy joq.