Beıjińde 1,3 mıllıonǵa jýyq adam COVID-19 testisinen ótti
BEIJІŃ.QazAqparat – Beıjińdegi Shýnıa aýdanynda COVID-19 indeti qaıta tarap, 1,29 mıllıonǵa jýyq turǵyn koronavırýstyń nýkleın qyshqyldaryna test tapsyrdy, dep habarlaıdy QazAqparat.
Ótken seısenbidegi jaǵdaı boıynsha, Shýnıa aýdanynyń 1,25 mıllıon turǵynynda koronavırýs anyqtalmady.
Osy aptada Shýnıada jergilikti COVID-19 ınfektsııasynyń jeti jańa rastalǵan jaǵdaıy tirkeldi. Naýqastarmen baılanysta bolǵan 1 myńnan astam adam anyqtaldy. Olardyń barlyǵy medıtsınalyq baqylaýda. Beıjiń ákimshiliginiń resmı ókili Sıý Hetszıannyń aıtýynsha, «birde-bir adam umyt qalmas úshin» koronavırýsty testileýge kóbirek kóńil bólip, COVID-19-dyń qorshaǵan ortasyn irikteýdi keńeıtý kerek.
Sonymen birge, Qytaı sheneýnigi Beıjińge shetelden kelgen adamdar úshin 21 kúndik karantındi qatań saqtaýǵa shaqyrdy. Resmı málimetterge sáıkes, QHR materıginde koronavırýs juqtyrǵandardyń 94,26%-y emdelip shyqty.
2019 jyldyń jeltoqsan aıynan bastap juqtyrǵandar sany 87 myńnan asty, medıtsınalyq mekemelerde koronavırýs ınfektsııasy bar 356 adam jatyr.
Sońǵy 24 saǵat ishinde (aldyńǵy jarty jyldaǵydaı) elde birde-bir ólim tirkelgen joq, ólim kórsetkishi 5,32%-dy quraıdy (4634 adam qaıtys boldy).
