Beıjiń Vashıngtondy ekijaqty qarym-qatynasty jaqsartýǵa shaqyrdy
BEIJІŃ. Naýryzdyń 15-i. QazAqparat /Rýslan Súleımenov/ - Qytaı Halyq Respýblıkasy Memlekettik Keńesiniń Premeri Ven Tszıabao jeksenbi, naýryzdyń 14-i kúni Beıjińde ótken baspasóz máslıhatynda AQSh-ty ekijaqty qarym-qatynastardy jaqsartýǵa kúsh salýǵa úndedi.
Ven Tszıabaonyń aıtýynsha, qalyptasyp otyrǵan qytaı-amerıkan qatynastary Qytaıdyń syrtqy saıasatyndaǵy eń mańyzdy másele bolyp tabylady. Biraq ta, Taıvanǵa mıllıardtaǵan somaǵa qarý-jaraq jetkizýge mámile jasaý týraly Vashıngtonnyń málimdemesi men Dalaı-lamanyń Qurama Shtattarǵa sapar jasaýy eki el arasyndaǵy qarym-qatynasty qıyndatyp jiberdi, sebebi «amerıkan tarapynyń bul áreketteri Qytaıdyń memlekettik egemendigi men aýmaqtyq tutastyǵyna qol suǵýshylyq bolyp tabylady».
Qytaı úkimetiniń basshysy sondaı-aq amerıkan dollarynyń ornyqtylyǵyna qatysty alańdaýshylyq bildirip, AQSh bankterinde saqtaýly uzaqmerzimdik qazynalyq oblıgatsııalardyń qaýipsizdigine Beıjińniń kózin jetkizý úshin Vashıngtondy «tabandy sharalar qabyldaýǵa» shaqyrdy.
«Amerıkan valıýtasynyń kez kelgen terbelisi Qytaıda alańdaýshylyq týǵyzýda. Beıjiń, eldiń qarjylyq aktıvi týraly sóz bolyp otyrǵan kezde, kishkentaı da qatelikke jol ber almaıdy», dep atap kórsetti Qytaı premeri.
