Beıjiń soty ushaqty jaryp jiberemin dep qorqytqan qytaılyq jolaýshyny úsh jylǵa bas bostandyǵynan aıyrý jazasyna kesti
BEIJІŃ. 10 qańtar. QazAqparat - Sársenbi kúni Beıjiń soty ushaqty jaryp jiberý týraly jalǵan qorqytýshylyǵy úshin QHR azamatshasyn úsh jyl eki aıǵa bas bostandyǵynan aıyrý jazasyna kesti.
2011 jyldyń qazanynda Beıjiń-Úrimshi baǵytyndaǵy reısin oryndaǵan «China United Airlines» kompanııasy ushaǵynyń bortynda 28 jastaǵy qytaılyq áıel ushaqtyń jarylý qaýpi týraly habarlady. Ekıpaj músheleri jolaýshyny qarýsyzdandyrǵannan keıin ushaq Gansý provıntsııasyndaǵy áýejaılardyń birine qondy. Ushaqtyń ishinde 160-qa jýyq jolaýshy men ekıpajdyń 10 múshesi bar edi.
Oqıǵadan soń áýe kemesiniń ishi tekserildi, jalǵan «lańkestiń» júginiń ishinen jarylǵysh zattar tabyldy. Óziniń bul áreketin Van sol arqyly jubaıyn qorqytyp, kek almaqshy bolǵanymen túsindirdi.
Oqıǵany tergeý barysynda áıeldiń psıhıkalyq aýytqýshylyǵy bar ekeni anyqtaldy.
