«Beıjiń - Parıj 2010» atty ańyzǵa aınalǵan sport jarysshylary Semeı qalasynan ketti
SEMEI. Qyrkúıektiń 24-i. QazAqparat /Grıgorıı Markovets/ - Búgin Semeı qalasynda «Beıjiń - Parıj» baıyrǵy sport jarysynyń qazaqstandyq kezeńi bastaldy. Jaqynda aty ańyzǵa aınalǵan avtojarystyń qatysýshylary Shyǵys Qazaqstan oblysyna Reseı Federatsııasynyń Altaı óńirinen kelgen bolatyn.
Qazaqstan aýmaǵy boıynsha ótetin avtojúgiriske Semeı, Úsharal, Almaty jáne Shymkent qalalary kirgen. Jarys 37 kúnnen keıin Parıjde máresine jetedi. Osy ýaqyt ishinde sportshylar Ózbekstan, Túrkimenstan, Iran, Túrkııa, Grekııa jáne Italııa elderi boıynsha 15 myń shaqyrym joldy júrip ótedi.
Avtoshoý Qytaıda bastalǵan bolatyn. Odan keıin qatysýshylar aldynda Mońǵolııa, Reseı elderi kezdesse, endi kezek Qazaqstanǵa kelip jetti.
«Bul bizdiń jahan boıynsha bastan keshiretin shytyrman oqıǵamyz. Osy jyly ol qazaq dalasynda bir aptadaı ýaqyt boıy ótedi. Rallı sport túriniń maqsaty - jer jahanǵa álemdik avtokólikterdiń brendilerin tanystyrý», - deıdi Ulybrıtanııa sportshy Metıý Frıdman.
