Beıjiń paralımpıadasyna qatysýǵa qansha qarajat jumsaldy

NUR-SULTAN. QazAqparat – Sport jáne dene shynyqtyrý isteri komıtetiniń tóraǵasy Samat Erǵalıev ortalyq kommýnıkatsııalar qyzmetinde ótken brıfıngide Beıjińdegi paralımpıada oıyndaryna qatysý úshin qansha qarajat jumsalǵanyn aıtty, dep habarlaıdy QazAqparat tilshisi.

Paralımpıada sportshylaryn Beıjińdegi jarysqa aparý úshin bıýdjetten qansha qarajat shyǵyndaldy?

Ortalyq kommýnıkatsııalar qyzmetinde ótken brıfıngide QR Mádenıet jáne sport mınıstrligi sport jáne dene shynyqtyrý isteri komıtetiniń tóraǵasy Samat Erǵalıevke osyndaı suraq qoıyldy.

«Bizdiń sportshylardyń Beıjińdegi paralımpıada oıyndaryna qatysýy úshin 3 aılyq daıyndyǵyna 119 mln teńge ketken. 119 mln teńgeniń ishinde qatysý úshin jobasy 50 mln teńgedeıi jumsaldy. Onyń ishinde bizdiń sportshylarymyz ben qurama komanda arnaıy kıimdermen jabdyqtaldy», - dedi komıtet bastyǵy.

Onyń aıtýynsha, Qazaqstan óz tarıhynda úsh ret paralımpıada medaline qol jetkizgen.

«2022 jylǵy 8 naýryzda Aleksandr Gerlıts parabıatlonnan 10 shaqyrym qashyqtyqta úzdik úshtikke enip, qola medalǵa qol jetkizdi. Bul - táýelsizdik alǵan jyldardan bergi Qazaqstan qurama komandasynyń qysqy Paralımpıada oıyndaryndaǵy úshinshi medali», -dedi Samat Erǵalıev.

Komıtettiń málimeti boıynsha, Qazaqstan tarıhynda qysqy Paralımpıada oıyndarynda bizdiń sportshylar 1 kúmis jáne 1 altyn medal alǵan.