Beıjiń ortalyǵyndaǵy Gabon elshiligi órtendi
ASTANA. QazAqparat - Qytaı astanasynyń ortalyǵyndaǵy dıplomatııalyq aýdanda ornalasqan Gabon Respýblıkasynyń elshiliginde beısenbi kúni órt boldy.
Oqıǵa ornyna onnan astam órt mashınalary jetkizilip, qazirgi tańda tilsiz jaý aýyzdyqtaldy. Órtti sóndirýge jáne adamdardy qutqarýǵa 120-ǵa jýyq adam jumyldyryldy, dep habarlaıdy TASS.
Órt saldarynan dıplomatııalyq ókildiktegi bas ǵımarattyń birinshi qabatyndaǵy birneshe keńistikter zardap shekti.
Gabon elshiligi Beıjińniń aıtýly aýdandarynyń birinde - Chaoıanda ornalasqan. Bul aýmaqta kóptegen elderdiń dıplomatııalyq ókildikteri bar. Oqıǵa ornyna jaqyn jerde Shanhaı yntymaqtastyq uıymynyń (ShYU) hatshylyǵy, sondaı-aq AQSh elshiligi rezıdentsııasynyń biri ornalasqan.
