Beıjiń olımpıadasynyń chempıony Londonǵa bara almaıtyn boldy
ASTANA. 20 shilde. QazAqparat - 2008 jyly Beıjiń olımpıadasynyń chempıony ıspandyq Rafael Nadal London olımpıadasynyń tennıs týrnırine qatysa almaıdy,
dep habarlady BBC Sport.
Nadal óziniń ataǵyn qorǵap qalýǵa fızıkalyq turǵyda daıyn emes ekendigin ashyq aıtqan. Álemdik reıtıngte úshinshi orynda tur 26 jastaǵy tennısshi tize jaraqatynan zardap shegýde.
2012 jyly Nadal Frantsııanyń ashyq chempıonatyn utqan bolatyn. Biraq odan keıin Ýımbldon týrnıriniń ekinshi aınalymynda álemdik reıtıngte 100-shi orynda turǵan cheh sportshysy Lýkashý Rosolýden jeńilip qalǵan edi.
