Beıjiń Olımpıadasynda tý ustap shyǵatyn sportshylarymyzdyń kıimi qalaı tigildi

NUR-SULTAN. QazAqparat - Ulttyq olımpıada komıteti bıylǵy Beıjiń olımpıadasynda kók baıraqty ustap shyǵatyn sportshylardyń kıimi qalaı tigilgeni jaıly vıdeo jarııalady, dep habarlaıdy QazAqparat.

«Árbir detalda Otanymyzdyń bir bólshegi jatyr. Beıjiń Olımpıadasyndaǵy tý ustaýshylarymyzdyń kostıými - naǵyz óner týyndysy! Árbir elementti sheberler qolmen istedi. Al buǵan shabyt bergen ańyz. Jýyrda Ekaterına Aıdova men Abzal Ájiǵalıev Beıjiń-2022 ashylý saltanatynda elimizdiń týyn alyp shyǵady» dep jazdy komıtet Instagram paraqshasynda.

Aıta keteıik, buǵan deıin Ulttyq olımpıada komıteti 2022 jylǵy Beıjiń oıyndaryna arnalǵan Qazaqstan komandasynyń formasyn kópshilik nazaryna usynǵan edi.

Búginde Qytaı astanasy Beıjiń qalasynda ótetin XXIV Qysqy Olımpıada oıyndarynda el namysyn qorǵaıtyn sportshylardyń tolyq quramy belgili boldy.

Aq Olımpıadada el namysyn 34 sportshy qorǵaıdy. Qazaqstandyq sportshylar qysqy Olımpıadaǵa 87 joldama jeńip aldy.

Olımpıada oıyndary 4 aqpan kúni bastalyp, 16 aqpanda máresine jetedi.

Aldyn ala málimet boıynsha, bul oıyndarǵa álemniń 95 elinen 4 myńnan astam sportshy qatysady. Onda 109 medal jıyntyǵy sarapqa salynady.