Beıjiń Olımpıadasynda naǵyz babymda bolamyn - frıstaılshy Aıana Joldas
- Aıana, óz ónerińizge kóńilińiz toldy ma?
- Kóńilim tolmady. Negizi budan da jaqsy kórsetkishke qol jetkizemin dep oıladym. Ókinishke qaraı, ekinshi múmkindigimdi bar bolǵany 12-shi orynmen aıaqtadym.
- Jarys barysynda tómen nátıje kórsetýge belgili bir sebepter kedergi boldy ma?
- Joq, eshteńe kedergi bolǵan joq. Aýa raıy da keremet boldy. Tramplın alańy da kóńilimnen shyqty. Biraq, ózim jarys kezinde qatty qobaljyp kettim. Óz-ózimdi durys ustaı almaı qaldym. Olımpıada oıyndaryna birinshi ret qatysyp otyrǵandyqtan bolar, boıymdy úreı men qorqynysh bılep ketti.
- Nelikten sporttyń naqty osy túrin tańdadyńyz?
- Ózge elge qalaı ekenin bilmeımin, ózime qatty unaıdy. Sol úshin osy sportty tańdadym. Menen "qary az, kúni jyly Ońtústik oblysynan qar betinde qalyqtap ushatyn sportty qalaı tańdadyń?" dep ázildep suraq qoıatyndar kóp. Meniń oıymsha, kim, neni úırengisi kelse, oǵan ósken ortasy kedergi bola almaıdy.
- 2022 jyly Beıjińde ótetin kezekti qysqy Olımpıada oıyndarynda seni jeńis tuǵyrynan kórýge úmittenemiz.
- Alla qalasa, kelesi Olımpıada myna biz sııaqty jastardiki bolatyn shyǵar. Qazir 16 jastamyn. Endi tórt jylda naǵyz babymda bolamyn dep oılaımyn. Oǵan deıin ártúrli jarystardan álem kýboktary men álem birinshilikterinen tájirıbe jınap, tolysamyn degen úmittemin.
- 16 jasta bolsańyz mektepti de aıaqtamaǵan bolarsyń?
- Iá, buıyrsa bıyl 11-shi synypty bitiremin.
- Sport pen sabaqty qatar alyp júrý qıyn emes pa?
- Árıne, qıyn. Biraq, bos ýaqyttarymda sabaqty tolyqtyrýǵa ustazdarym kómektesedi. Ózim de jaqsy oqımyn. Bıyl barlyq synyptastarymmen birge ulttyq biryńǵaı testti tapsyramyn.
- Qandaı joǵary oqý ornyna túskiń keledi?
- Mindetti túrde sport mamandyǵyn tańdaıtyn bolamyn.
- Áńgimeńe rahmet!
