Beıjiń olımpıadasynda kádesyılar taýsylyp qaldy

NUR-SULTAN - QazAqparat - Beıjiń Olımpıadasynyń nyshandary belgilegen kádesyılar dúkenderde taýsylyp qalǵan, dep habarlaıdy QazAqparat qytaılyq aqparat kózine silteme jasap.

«Osyǵan oraı 8 aqpanda Shyǵys Qytaıdyń Tszıansý provıntsııasyndaǵy Tsıdýn qalasyndaǵy lıtsenzııasy bar zaýytta jumysshylar Bing Dwen Dwen taýarlaryn óndirýdi jedeldetti» delingen habarlamada.

Beıjińdegi 2022 jylǵy qysqy Olımpıada oıyndarynyń boıtumary Bıng Dven Dven mıllıondaǵan jankúıerlerdiń júregin jaýlap, úlken suranysqa ıe bolǵan.

Árıne, Beıjiń Olımpıadasyna barǵan árbir azamat ózine Olımpıada belgisi bar estelik buıym satyp alatyny anyq.

Búgingi tańda kádesyı alýǵa jergilikti turǵyndar da jappaı kirisip ketken.

Sol sebepti dúkenderdiń aldynda uzyn-sonar kezekter paıda bolǵan.

Beıjińdegi Qysqy Olımpıada oıyndarynyń uıymdastyrýshylary seısenbide Bing Dwen Dwen qýyrshaǵynyń qytaılyq jańa jyldyq arnaıy nusqasy jaqyn arada naryqqa shyǵady jáne lıtsenzııalanǵan taýarlardyń satylymy kem degende maýsym aıynyń sońyna deıin jalǵasady dep málimdedi.