Beıjiń Olımpıadasyna Qazaqstan atynan 3 bıatlonshy qatysady
Tórtjyldyqtyń basty dodasynda elimizdiń atynan Galına Vıshnevskaıa, Aleksandr Mýhın jáne Vladıslav Kıreev synǵa túsedi.
«Bıatlonnan Olımpıada lıtsenzııasy komandanyń maýsymdaǵy kórsetkishterine qaraı beriletin. Alaıda, pandemııaǵa baılanysty Halyqaralyq bıtlonshylar odaǵy jarys josparyn túgeldeı ózgertti. Buryn 1-den 20-shy orynǵa deıingi komandalarǵa tórt kvota, 20-23 orynǵa eki kvota, 24-shi orynnan ári qaraı Wild Card beriletin. Bıyl tek 20-shy orynǵa deıingi komandalardyń kvotasy saqtalyp, odan tómen ornalasqandar jekeleı kórsetkishi boıynsha joldama ıelendi. Al mundaı oryndar bar bolǵany 12 ǵana.
Taǵy bir aıta keterligi, Qytaı komandasy TOP-20 qataryna enbese, jarysty qabyldaýshy el retinde avtomatty túrde Wild Card boıynsha 4 kvota aldy. Nátıjesinde, segiz bos orynǵa 35 komanda talasady. Al estafetada 27 qurama baq synaıdy. Osyǵan oraı, bizdiń qyzdar komandasynyń aldynda tórt joldama alý maqsaty turdy. Alaıda, bizdiń quramany Qytaı qýyp jetip, biz kvotadan aıyryp qaldyq. Qazaqstan atynan Galına Vıshnevskaıa ǵana qatysady», - quramanyń bas bapkeri Maqsat Sharanov.
Onyń aıtýynsha, erler komandasynyń aldynda 2 joldama alý maqsaty túrǵan. Olar bul jospardy oryndady. Olımpıadaǵa Aleksandr Mýhın men Vladıslav Kıreev qatysady.
