Beıjiń Olımpıadasyna barǵan 300-den astam adamnan koronovırýs anyqtaldy

BEIJІŃ.QazAqparat – 23 qańtardan beri Beıjińdegi qysqy olımpıada oıyndaryna kelýshiler arasynda COVID-19 juqtyrǵan 308 adam anyqtaldy. Bul týraly juma kúni jarııalanǵan «Beıjiń-2022» uıymdastyrý komıtetiniń málimdemesinde aıtylǵan, dep habarlaıdy QazAqparattyń Qytaıdaǵy tilshisi.

Resmı saıttaǵy aqparat boıynsha, 23 qańtardan beri Qytaıǵa 5255 sportshy men resmı tulǵalar jáne basqa 6708 ókil keldi.
PTR-testileý nátıjesinde áýejaıda jáne oıyndardyń barlyq qatysýshylary turatyn «jabyq alańda» 308 adam koronavırýs juqtyrǵany anyqtaldy, onyń ishinde 111 – atletter men resmı tulǵalar arasynda, 197 – múddeli tarap ókilderi arasynda.
2022 jylǵy XXIV qysqy Olımpıada oıyndarynyń ashylý saltanaty 4 aqpanda Beıjińdegi «Qus uıasy» ulttyq stadıonynda ótedi.