Beıjiń men Shanhaıda Naýryz merekesi ótti

BEIJІŃ-ShANHAI. QazAqparat – Qytaıdyń megapolısteri Beıjiń men Shanhaıda qazaqstandyq dıplomattar men QHR-daǵy ulttyq kompanııalardyń ókilderi Naýryz meıramyn atap ótti, dep habarlaıdy QazAqparat tilshisi.

Qytaı astanasyndaǵy shara aıasynda ulttyq sport túrlerinen jarystar ótti, merekelik dastarhan jaıyldy, onda baýyrsaq, qýyrdaq, shubat jáne qymyz sııaqty ulttyq taǵamdar men sýsyndardan basqa Naýryz kóje boldy.

Naýryz týraly ánder, ulttyq bıler men ádet-ǵuryptar, shýaqty aýa-raıy jáne Beıjińdegi is-sharaǵa taza aýa merekelik atmosfera syılady.

Balalar sýretteri baıqaýynyń qorytyndysy shyǵarylyp, barlyq qatysýshyǵa alǵys hattar men estelik syılyqtar tabys etildi.

Qyzyqqa toly Naýryz meıramy Shanhaıda da ótti.

Balalar eresektermen birge merekelik kontsert daıyndap, kórsetti. Kórermenderdiń nazaryna qazaq dástúrleriniń ánderi, kúıleri, teatrlandyrylǵan kórinisteri usynyldy.

Avtor: Rýslan Súleımenov