Beıjiń marafonynda qandasymyz top jardy

ASTANA. QazAqparat – 6 qarasha kúni Beıjińde ótken marafonda Qytaıdyń Іle óńiriniń týmasy Eleýbek Qýanuly top jaryp, chempıon atandy dep habarlaıdy QazAqparat qytaılyq Guangming Daily gazetiniń saıtyna silteme jasap.

Bıyl osymen 40-ret ótkizilip otyrǵan Beıjiń marafony Qytaıda «Ulttyq marafon» retinde tanymal. Pandemııaǵa baılanysty toqtap qalǵan aýqymdy shara bıyl qaıta jandandy. Beıjińdegi Tıananmen alańynan bastalyp, Olımpııada saıabaǵynan aıaqtalatyn jarys jolyn qandasymyz 2 saǵat 14 mınýt 34 sekýndta júgirip ótken. Bul Beıjiń marafonynda qytaılyq sportshylardyń 20 jyldan keıin alǵash ret jeńis tuǵyryna kóterilýi sanalady.

Halyqaralyq jeńil atletıka federatsııalarynyń chempıonaty mártebesine qol jetkizgen Beıjiń marafony 1981 jyldan beri ótkizilip keledi. Sharyqtaý kezeńinde, mysaly 2019 jyly Beıjiń marafonynda synǵa túsýge 160 myń tirkelgen edi. Eldegi qatań lokdaýn rejımine baılanysty bıyl marafonǵa qatysýshylardyń sanyna shekteý qoıylyp, jasy jıyrmadan asqan Beıjiń turǵyndarynyń qatysýyna ǵana ruqsat berilgen. Soǵan qaramastan bıylǵy synǵa 30 myń adam qatysty.