Beıjiń mańynda jer silkindi: Poıyzdar toqtap qaldy

BEIJІŃ. QazAqparat – Jeksenbi kúni Beıjiń ýaqytymen 6 saǵat 38 mınýtta Tanshan qalasynyń mańynda (Hebeı provıntsııasy) Qytaı astanasynan 150 shaqyrym qashyqtyqta 5,1 magnıtýdaly jer silkinisi boldy, dep habarlaıdy QazAqparat menshikti tilshisi Qytaı seısmologııalyq jeliler ortalyǵyna (CENC) silteme jasap.

Jer dúmpýiniń oshaǵy - 39,78 s.e. 118,44 sh.b. Tereńdigi 10 shaqyrym. Ázirge zardap shekkender týraly aqparat túspegen.

Qytaı temirjol mınıstrliginiń tapsyrmasyna sáıkes, jolaýshylar poıyzynyń qozǵalys qaýipsizdigin qamtamasyz etý maqsatynda osy óńir arqyly ótetin poıyzdar ýaqytsha toqtatyldy. Temirjol ınfraqurylymyn keshendi tekserý uıymdastyryldy.

Tanshan qalasyndaǵy 5,1 ball jer silkinisinen keıin Hebeı provıntsııasymen kórshiles Tıantszın qalasynda 17 márte jerasty dúmpýi tirkelgen, dep habarlaıdy Tıantszın seısmologııa basqarmasy Jer silkinisin baqylaý jáne boljaý ortalyǵy.

Tıantszın qalasynyń bıligi jergilikti turǵyndardy úreılenbeýge shaqyryp, Tanshan qalasy aýdanynda seımıkalyq belsendilik qalypty deńgeıde ekenin atap ótti.

Avtory: Rýslan Súleımenov