Beıjiń mańynda gaz jarylysynan eki adam kóz jumyp, 20-sy jaraqat aldy

BEIJІŃ. QazAqparat – Juma kúni Qytaıdyń soltústigindegi Hebeı provıntsııasynyń Sanhe qalasynda suıytylǵan gaz ballondarynyń jarylýy kezinde eki adam qaza taýyp, taǵy 20 adam jaraqat aldy, dep habarlady QazAqparat menshikti tilshisi mýnıtsıpalıtettiń málimdemesine silteme jasaı otyryp.

Tótenshe oqıǵa juma kúni tańerteń Qytaı astanasy Beıjiń qalasynyń mańynda ornalasqan Sanhe qalasynyń saýda kósheleriniń birinde bolǵan.

Aldyn ala málimetter boıynsha, suıytylǵan gazy bar ballondar jarylǵan. Jarylys saldarynan eki adam qaza taýyp, taǵy 20 adam túrli dárejedegi jaraqat alǵan.

Qazirgi ýaqytta apat bolǵan jerde izdestirý-qutqarý jumystary aıaqtaldy. Apattyń mán-jaıy men sebepteri anyqtalýda.