Beıjiń mańynda ejelgi beıitterdiń iri kesheni tabyldy
ASTANA. QazAqparat - Beıjińniń ońtústik-batys mańynda ejelgi beıitterdiń iri kesheni tabyldy, dep habarlady Sınhýa agenttigi.
Bul týraly jeksenbi kúni Beıjiń mádenı muralar ınstıtýty málim etti.
70 gektar arheologııalyq qazbalarda 1100 jyl boıy salynǵan 129 beıit ornalasqan. Ol Shyǵys Han áýletinen (25-220 jj.) Tań áýletine (618-907 jj.) jáne Lıao memleketine (907-1125 jj.) deıingi kezeńderdi qamtıdy. Keıbir jerlengen oryndar adamdardy, olardyń kıimderin beınelegen freskalarmen bezendirilgen, sondaı-aq olardan qysh buıymdary, farfor, jyltyratylǵan zattar, sondaı-aq jeke jerleý zattary tabylyp otyr.
Jerlengen oryndar kesheni turǵyn úı salýdy josparlaý kezinde tabyldy. 2014 jylǵy mádenı qundylyqtardy qorǵaý sharalary aıasynda qurylys salynatyn barlyq jer ýchaskelerinde mádenı jádigerler bolýy ábden zerttelýi tıis.
