Beıjiń mańynda 4,5 baldyq jer silkinisi boldy

BEIJІŃ.QazAqparat– Beısenbi kúni Beıjińnen 13 km qashyqtyqta ornalasqan Tanshan qalasynda 4,5 baldyq jer silkinisi boldy, dep habarlaıdy «QazAqparat» HAA menshikti tilshisi Qytaı seısmologııalyq ortalyǵyna silteme jasap.

Habarlamada aıtylǵandaı, jerasty dúmpýiniń epıtsentri jergilikti ýaqyt boıynsha saǵat 08:02-de Hebeı provıntsııasy Tanshan qalalyq okrýginiń Fennan aýdany aımaǵynda tirkelgen.

«Magnıtýdasy 4,5, zilzala oshaǵynyń tereńdigi 10 km», - delingen habarlamada.

Qurban bolǵandar týraly aqparat kelip túsken joq. Tanshan qalasynda 8 mln-ǵa jýyq adam turady. Áleýmettik jeli qoldanýshylarynyń aıtýynsha, dúmpý Beıjiń men Tıantszın sekildi qytaılyq megapolısterde de sezilgen.