Beıjiń qysqy Olımpıadasy: Vaktsına almaǵan sportshylar 21 kúndik karantınge jatady

BEIJІŃ. QazAqparat – Halyqaralyq olımpıada komıteti (HOK), Halyqaralyq paralımpıada komıteti men «Beıjiń-2022» uıymdastyrý komıteti 2022 jyly Beıjińdegi Qysqy Olımpıada oıyndarynda COVID-19 boıynsha usynystardy qamtıtyn «pleıbýkterdiń» alǵashqy nusqalaryn jarııalady. Bul týraly «Beıjiń-2022» uıymdastyrý komıtetiniń saıtynda jarııa etildi, dep habarlaıdy QazAqparat menshikti tilshisi.

Bir nusqaýlyq sportshylar men komandalardyń resmı tulǵalaryna, ekinshisi BAQ ókilderin qosa alǵanda, barlyq múddeli tarapqa arnalǵan. Koronavırýsqa qarsy vaktsınatsııanyń tolyq kýrsynan ótken barlyq Beıjińdegi 2022 jylǵy Olımpıada sportshylary men qatysýshylary Qytaıǵa kelgennen keıin jabyq tsıkl júıesinde bolady.

Vaktsınatsııadan ótpegen sportshylar QHR astanasyna kelgennen keıin 21 kúndik karantınnen ótýi kerek. Beıjińge kelgen sportshylar men delegatsııalardyń keıbir resmı tulǵalarynan basqa, Olımpıadalyq aýyldarda sportshylardy ertip júrgen Olımpıada oıyndarynyń barlyq qatysýshysy koronavırýsqa qarsy talaptarǵa saı keletin uıymdastyrýshylar bólgen qonaq úılerde turady.

Oıyndarǵa qatysýshylar men qyzmetkerler kún saıyn koronavırýsqa qarsy testileýden ótedi. «Beıjiń -2022» uıymdastyrý komıteti pandemııanyń aldyn alý jáne oǵan qarsy kúres basqarmasy dırektorynyń orynbasary Hýan Chýn Oıyn qatysýshylary jarysty ótkizý oryndary men ornalastyrý nysandary arasynda, sondaı-aq jarystyń úsh aımaǵy - Beıjiń, ıAntsın jáne Chjantszıakoý arasynda erkin júre alatynyn aıtty. Beıjińdegi 2022 jylǵy Olımpıadaǵa qatysýshylar densaýlyq jaǵdaıyn baqylaý úshin «My 2022» arnaıy mobıldi qosymshasyn paıdalanýy qajet jáne Qytaıǵa kelerden 14 kún buryn óziniń jaǵdaıy týraly esep bere bastaýy kerek.

Eske sala keteıik, Beıjińdegi Qysqy Olımpıada oıyndary 2022 jyldyń 4-20 aqpan aralyǵynda ótedi.