Beıjiń ǵarysh jáne atom energetıkasy salasynda Qazaqstanmen yntymaqtasýǵa múddeli

BEIJІŃ. QazAqparat - QHR-daǵy QR elshisi Shahrat Nuryshev ónerkásip jáne aqparattandyrý mınıstriniń orynbasary, Qytaı ulttyq ǵarysh ákimshiliginiń basshysy, QHR Qorǵanys ǵylymy, tehnıka jáne ónerkásip komıtetiniń tóraǵasy, QHR Atom energetıkasy jónindegi ulttyq ákimshilik basshysy - Sıý Dachjemen (Xiu Dazhe) kezdesti.

Taraptar ǵaryshkerlik jáne atom energetıkasy salasyndaǵy ekijaqty yntymaqtastyqtyń máselelerin talqylady. Osy jyly maýsymdaǵy    QR Prezıdenti Nursultan Nazarbaev pen QHR Tóraǵasy Sı Tszınpın arasyndaǵy, sondaı-aq osy jylǵy shildede Beıjińdegi kezdesýde QR Premer-Mınıstri Baqytjan Saǵyntaev pen QHR Memlekettik keńes vıtse-premeri Chjan Gaolı arasyndaǵy qol jetkizilgen joǵary tehnologııalar salasyndaǵy ózara is-qımyl týraly  ýaǵdalastyqty iske asyrýǵa basa nazar aýdaryldy.

Sh.Nýryshev pen Sıý Dachje ǵarysh qyzmeti salasyndaǵy yntymaqtastyq jónindegi qazaqstandyq-qytaılyq jumys toby qyzmetine oń baǵa berdi. QHR aýmaǵynda osy jyly onyń 2-shi otyrysyn ótkizý múmkindigin talqylady.

Olar Beıjiń avıatsııalyq-ǵarysh ýnıversıteti, basqa da QHR mamandandyrylǵan oqý oryndarynda qazaqstandyq kadrlardy daıyndaý, sondaı-aq qazaqstandyq mamandardyń qytaılyq ǵarysh kásiporyndarynda óndiristik taǵylymdamadan ótýin uıymdastyrý salasyndaǵy eki el arasyndaǵy yntymaqtastyqqa múddelilik tanytty.

Sıý Dachje ekologııalyq taza «jasyl» energetıka salasyndaǵy tehnologııalyq ázirlemelerdi kórsetý maqsatynda  EKSPO-2017-ge qytaılyq ǵarysh korporatsııasynyń qatysý múmkindigi jaıly sóz qozǵady.