Beıjiń bıligi qala halqynyń sanyn shekteýdi josparlaýda
ASTANA. QazAqparat - Qytaı astanasynyń bıligi 2020 jyly halyq sanyn 23 mıllıonnan asyrmaýdy qolǵa aldy.
Ótken jyldyń basynda Beıjiń meri Van Anshýn qala bıligi megapolıs halqynyń ósimin shekteý qajettigin málimdegen edi, alaıda naqty sanyn atamaǵan.
Sınhýa agenttigi habarlaǵandaı, Van Anshýnnyń aıtýynsha, bıliktiń negizgi maqsaty qala ortalyǵynan adamdardy shet aýdandarǵa kóshirý bolmaq. Agenttik derekkózderine qaraǵanda, bılik Beıjiń halqyn qalanyń barynsha resýrstyq múmkindikterin, atap aıtqanda sýmen jabdyqtaýdy eskerip baryp shekteýdi josparlaýda.
2015 jyly Beıjińniń turaqty turǵyndarynyń sany 21,7 mıllıon bolǵan. 2016 jyly qala halqyn 22 mıllıon deńgeıinde shekteý josparlanýda.
Budan basqa, 2016 jyly Beıjiń bıligi negizinen óndiris salasynan 300-deı kompanııany qala syrtyna shyǵarýǵa nıetti. Sondaı-aq 2017 jyly kóptegen ákimshilik organdardy Týnchjoý qalasyna aýystyrýdy josparlaýda.
