Beıjiń aýrýhanasy qazaqstandyq januıalarǵa ótemaqy tóledi
ALMATY. QazAqparat - Qazaqstannan kelgen múgedek balalarǵa «3 S júıkeni buǵattaý» emin qoldanýdyń ornyna «botoks» ýkoldaryn salyp jibergen qytaılyq klınıka 13 otbasyna ótemaqyny tolyq tóledi, dep habarlaıdy «QazAqparat» HAA menshikti tilshisi.
Qazaqstandyqtardyń múddesin qorǵaǵan «Sezimtal» qoǵamdyq qorynyń úılestirýshisi Suńqar Nurmaǵambetov ár otbasynyń jeke shotyna 100 myń dollar kóleminde aqshalaı qarajat aýdarylǵanyn habarlady.
««Sezimtal» qoǵamdyq qory Beıjińdegi Lımın tserebaldy sal aýrýy klınıkasynyń (QHR) 100 000 USD kóleminde 13 qazaqstandyq otbasy men olardyń sal aýrýymen aýyratyn balalaryna tıesili barlyq ótemaqyny aýdarǵanyn qýanyshpen habarlaıdy. Ata-analar QR aýmaǵynan nemese shet memleketterden balalarynyń qajettiligine saı medıtsınalyq mekeme taba alatynyna senimdimiz», - dep habarlady ol.
«Sheteldik medıtsınalyq mekemelermen baılanys ornatýda QR azamattaryna aldanyp qalýdyń múmkin ekenin jáne densaýlyqqa orasan zaqym keltirý qaýpiniń joǵary ekenin eskerktim keledi», - dep tolyqtyrdy ol. Advokat QR SІM qoldaýymen jáne konsýldyq qyzmet jetekshisi Bolat Syrlybaevtyń sot protsesine qatysýymen zardap shekken 13 otbasyna «Sezimtal» qoǵamdyq qorynyń quqyqtyq kómek kórsetkenin eske saldy.
Balalardyń ata-analary qoldaý bildirgen barlyq azamattarǵa alǵysyn bildirdi. Esterińizde bolsa, 2015 jyldyń sońynda 13 otbasy qıyndyqqa ushyraǵanyn habarlaǵan edi. Olar Beıjińge em qabyldaýǵa barǵan. Em qabyldap bitken soń, balalarǵa tek «Dısport» (botoks egý) protsedýrasyn ǵana júrgizgeni anyqtaldy.
Dısport bulshyqetterdiń túıilýin ýaqytsha toqtatady jáne bul em Qazaqstanda sal aýrýymen aýyratyn balalardy ońaltý baǵdarlamasy boıynsha tegin júrgiziledi. Qarasha aıynda ata-analar men klınıka ókilderi Gýanchjoý qalasynda kezdesti, dárigerler botoks ekken balalardyń ata-anasyna ótemaqy tóleýge ýáde berdi.
