Beıjiń áýejaıynda nóser jaýyn saldarynan myńnan astam reıs toqtatyldy
ASTANA. QazAqparat - Beıjińniń bas áýejaıy Shoýdýda nóser jaýyn men naızaǵaı saldarynan 1,2 myńnan astam áýe reısteri toqtatyldy, dep habarlaıdy TASS.
Áýejaıdyń elektrondy taqtalarynda kórsetilgendeı, jergilikti ýaqyt boıynsha 13:30-da taǵy 481 reıstiń ýaqyty keıinge shegerildi. Naızaǵaı men nóserli jaýyn Beıjińde juma kúni keshke bastalǵan. Ótken tún ishinde qalada orta eseppen 20 mm jańbyr jaıdy. El astanasynyń jekelegen aýdandarynda bul kórsetkish 139 mm-ge jetti. Meteorologtardyń boljaýynsha, qaladaǵy jaýyn-shashyndy aýa raıy kem degende apta sońyna deıin jalǵasady.
