Beıjiń áýejaıyn tumshalaǵan tútinge baılanysty 226 reıs keıinge shegerildi
ASTANA. QazAqparat - Juma kúni Pekın áýejaıynda qoıý tútinge baılanysty 266 reıs keıinge shegerildi. Alaıda Máskeýge baǵyt alǵan "Aeroflot» tańǵy reısiniń biri bir saǵatqa keshiktirilgeni bolmasa reseılik ushaqtardyń ushýyna esh kedergi bolǵan joq.
Qazirgi tańda Beıjiń qalasyndaǵy aýa quramyndaǵy zııandy zattar shektik shamadan tys asyp, ár tekshe metrine 500 mıkrogramǵa al kólemi 2,5 mıkronǵa jetken.
Osy jaǵdaıǵa baılanysty el astanasynda «kúlgin» («qyzyldan» keıingi ekinshi jaǵdaı) deńgeıli ekologııalyq qaýip tónip tur. Qala turǵyndaryna kóshege shyqpaýǵa, shyqqan jaǵdaıda arnaıy maska men tynys alý múshelerin ýly gazdan saqtaıtyn qurylǵylar paıdalanýǵa keńes berilip otyr. Sondaı-aq balalardy taza aýaǵa serýenge alyp shyǵýǵa da tyıym salyndy.
Qytaıdaǵy mundaı ekologııalyq keleńsiz jaǵdaıǵa jylý-elektr stansalarynan shyqqan tútin men avtokólik gazdary sebep bolyp otyr.
