Beıjiń áýejaıy keshikken reıster boıynsha kósh bastap tur
ASTANA. 13 shilde. QazAqparat - Beıjińniń halyqaralyq áýejaıy bógelgen reıster sany boıynsha kósh bastap tur. Bul týraly VVS habarlady.
Álemniń barlyq halyqaralyq áýejaılarynda ýaqytyly jáne kidirip jóneltilgen reısterdi esepteýmen aınalysatyn kompanııanyń málimeti boıynsha, beıjińdik áýejaıdan der kezinde reısterdiń 20 paıyzdan kemi ǵana ushady eken.
Bul reıtıngte ekinshi bolyp Shanhaıdyń áýejaıy tirkelgen.
Sarapshylardyń deregine qaraǵanda, QHR áýejaılarynda ushaqtardyń keshigýine áskerılerdiń áýe keńistiginde qatań qadaǵalaý jasaýy sebep bolýda.
Al ýaqytyly jiberilgen reısterdiń sany boıynsha Tokıo úzdik dep tanyldy. Atalǵan qaladan jóneltiletin reısterdiń tek 5 paıyzy ǵana keshigedi eken.
