Beıjiń astanalyq tirkeý alý júıesin jumsartty
BEIJІŃ. QazAqparat - Qytaı astanasynda eksperıment retinde tirkeýge otyrýdyń jańa tártibi engiziledi. Ózgerister qalanyń shyǵys jaq shetindegi Týnchjoý aýdanynda turatyn kelýshilerge qatysty bolmaq. Bul týraly ortalyq qytaılyq BAQ habarlady.
Beıjińde turaqty tirkeý alý úshin úmitker belgili bir balldar sanyn jınaýy tıis, onda turaqty jumysqa ornalasýy, turǵyn úıiniń jáne áleýmettik saqtandyrylýy bolýy, sondaı-aq qalada turý uzaqtyǵy eskeriledi.
Astanalyq tirkeý alý týraly jańa erejeler ýrbanızatsııanyń jańa turpatyn damytý jónindegi reformalar men damý isteri jónindegi memlekettik komıtet josparyna engizildi.
Beıjińdik tirkeý onyń ıesine neǵurlym sapaly bilimge, eńbekke ornalasýǵa jáne memleket tarapynan áleýmettik qoldaýdyń basqa da sharalaryna qol jetkizýge jol ashady.
Budan buryn qytaılyq eńbek mıgranttary qalada ýaqytsha turýǵa ǵana ruqsat alatyn, bul kóptegen adamdardyń astanadaǵy artyqshylyqtarǵa qol jetkizýge kedergi jasady.
Sońǵy málimetter boıynsha, Beıjińniń turaqty turǵyndarynyń sany 20 mln. adamnan asady, bul London halqynan 2,6 ese, Nıý-Iork turǵyndarynan 2,5 ese kóp. Qytaı astanasy kóptegen megapolıster sııaqty halyqtyń shamadan tys qonystanýy jáne atmosferanyń lastanýy problemalaryna tap bolýda.
Resýrstardyń shekteýli bolýy saldarynan qala bıligi halyq ósimin tirkeý alýdyń qatań erejelerimen shekteýge tyrysyp keldi. 2014 jyly Beıjińde eldiń basqa óńirlerinen kelgen 8 mln. eńbek mıgranttary turyp, jumys jasady. Qalada turýǵa ruqsat alýdyń jańa tártibi olardyń shyn máninde qala turǵyndaryna aınalýyna múmkindik beredi.
Al halyqtyń ósimin baqylaýdy Beıjiń astananyń keıbir fýnktsııalaryn kórshi óńirlerge berý esebinen baqylaıtyn bolady, dep sanaıdy PanGoal qoǵamdyq-saıası zertteýler ınstıtýtynyń zertteýshisi I Pen.
Shanhaıda, Gýanchjoýda jáne Tıantszınde qazirdiń ózinde tirkeý alýdyń beıjińdik tártibi jumys isteýde. Aıtalyq, Gýanchjoýda ball úmitkerdiń bilim deńgeıine, daǵdylaryna jáne áleýmettik saqtandyrýlar alý tarıhyna qaraı esepteledi. Gýanchjoýda jyl saıyn 3 myńǵa tarta eńbek mıgranttary turaqty turýǵa ruqsat alady.
