Beıjiń-Astana reısinde urlyq jasady degen kúdikpen QHR azamaty ustaldy
ASTANA. QazAqparat - Kólik polıtseıleri Aspanasty eliniń 34 jastaǵy azamatyn urlyq jasaǵany úshin ustady. «Air Astana» áýe kompanııasy jolaýshylarynyń biriniń júginen iri somadaǵy aqsha men kompıýterdiń joǵalýy boıynsha qylmystyq is qozǵaldy. Bul týraly kóliktegi ІІD baspasóz qyzmetinen habarlady.
29 jeltoqsanda Astana q. áýejaıyndaǵy Jelilik polıtsııa bólimine «Beıjiń-Astana» reısiniń eki jolaýshysynan - myń ıýannyń urlaný faktisi boıynsha 19 jastaǵy Qyrǵyzstan azamatynan jáne 27 jastaǵy qazaqstandyqtan Mac Book Air markili noýtbýktiń urlanýyna baılanysty aryz tústi.
Kóliktegi ІІD krımınaldyq polıtsııasynyń qyzmetkerleri jedel-izdestirý sharalary barysynda atalǵan qylmysqa qatysy bar degen kúdikpen 1981 jyly týǵan QHR azamaty ustaldy. Ol osy reıspen ushyp kelip, ári qaraı Dýbaıǵa ushpaq boldy.
Tintý kezinde aıǵaqzattar tárkilendi.
Atalǵan fakt Astana q. áýejaıyndaǵy Jelilik polıtsııa bóliminiń sot aldyndaǵy tergeýdiń birińǵaı reestrine tirkeldi. Qazir tergeý amaldary júrgizilip jatyr.
