Beıjiń Aspanasty eliniń astanasynda Ebolany juqtyrý oqıǵasyn joqqa shyǵardy
BEIJІŃ. QazAqparat - Qytaı astanasynyń densaýlyq saqtaý organdary beısenbi kúni jaqynda Beıjińde Ebola indetin juqtyrýdyń birinshi oqıǵasy týraly taraǵan alyp-qashpa áńgimeni joqqa shyǵardy, dep habarlaıdy «Global Times».
Beıjińniń keıbir turǵyndarynyń olardyń qalasynda sońy ólimge soqtyratyn indetke shaldyqqandardyń bar ekeni týraly alyp-qashpa áńgime Beıjińniń densaýlyq saqtaý jáne otbasyn josparlaý boıynsha qalalyq komıssııasynyń aýrýhanalar, áýejaılar jáne basqa uıymdarǵa Ebola anyqtalǵan kezdegi shuǵyl sharalar josparyn daıarlaýdan keıin paıda boldy.
«Bul qarapaıym ǵana tájirıbe, jospar bıylǵy jyldyń 19 qańtarynda ázirlendi. Ol áýejaılar, temirjol vokzaldary jáne basqa da ótkizý pýnkterinde Ebola indetin juqtyrǵan naýqastardy anyqtaý kezindegi áreketterdiń túrli stsenarıılerin kózdeıdi», - dep jazady basylym Beıjińniń aýrýdyń aldyn alý jáne baqylaý ortalyǵyndaǵy qyzmetkerleriniń biriniń sózin keltirip.
Esterińizge sala keteıik, qazirgi kezde álemniń 9 elindegi 22495 adam Ebola indetine ushyrap, sonyń 8981-i kóz jumǵan.
