Beıjiń 2022 jylǵy qysqy Olımpıadaǵa daıyndyqty bastap ketti
ASTANA. QazAqparat - Qytaı bıligi 2022 jylǵy XXIV qysqy Olımpıada oıyndaryna daıyndyqty bastady, dep habarlaıdy Qazaqparat tilshisi.
Qytaıdaǵy «halyq» toraby taratqan málimetke súıensek, «Beıjiń qalalyq iri qurylys nysandar keńsesi» qysqy Olımpıada oıyndary ótetin stadıondardy qaıta kúrdeli jóndeýden ótkizýdi bastaǵany aıtylǵan. Oǵan jalpy 18 nysan kirgen. Olardyń qatarynda konkımen syrǵanaý, taý shańǵy ortalyǵy, shanamen syrǵaný ortalyǵy, tuǵyrdan sekirý jáne barlyq sportshylar aldyn-ala daıyndyq jasaıtyn alańdar bar.
Sonymen qatar, qysqy Olımpıada qalashyǵy men ıAnchıń qysqy Olımpıada aýyly atty eki jańa alań salynbaq.
«Búgingi tańda atalǵan qurylys nysandaryn jóndeý, qalpyna keltirý jáne salý jumystary bastalyp ketken», -dep kórsetilgen aqparat kózinde.
Esterińizge sala keteıik, Beıjiń 2022 jylǵy XXIV qysqy Olımpıada oıyndaryn ótkizý quqyǵyn 2015 jyly 31 shilde kúni jeńip alǵan bolatyn.
Osy oraıda aıta keteıik, bul aıtýly dodany ótkizýge sol kezde elimizdiń Almaty qalasy da basty úmitker qalalardyń biri atandy. Ókinishke qaraı, 2015 jyly 31 shildede Malaızııanyń Kýala-Lýmpýr qalasynda ótken daýys berý nátıjesinde Almaty Beıjińge jol bergen bolatyn.
