Beıjiń-2022: Shaıbaly hokkeıden pleı-off oıyndary ótkizilýde
NUR-SULTAN. QazAqparat - Qytaıdyń Beıjiń qalasynda ótip jatqan qysqy Olımpıada oıyndarynda shaıbaly hokkeıden pleı-off satysynda quramalardyń qarsylastary anyqtaldy, dep habarlaıdy QazAqparat tilshisi.
Erler arasyndaǵy básekede barlyǵy 12 qurama úsh topqa bólinip baq synady. Olardyń árbirinen birinshi oryn alǵany tikeleı shırek fınalǵa joldama aldy.
Jarys erejesi boıynsha qalǵany pleı-off satysynda synǵa túsedi. Bul kezeńde 15 aqpanda Slovakııa men Germanııa, Danııa men Latvııa, Chehııa men Shveıtsarııa, Kanada men Qytaı quramalary tartysqa túsedi.
Al 16 aqpanda shırek fınal satysynda AQSh quramasy Slovakııa/Germanııa, Fınlıandııa Chehııa/Shveıtsarııa, Reseı Danııa/Latvııa, Shvetsııa Kanada/Qytaı juptarynyń jeńimpazymen kezdesedi.
Jartylaı fınal 18 aqpan belgilengen. Al 3-oryn úshin saıys 19 aqpanda ótkizilse, 20 fınalda fınal bolady.
Al qyzdarda barlyǵy 10 qurama eki topta sheberlik baıqasty. A tobynda reıtıngi joǵary quramalar básekege tússe, V tobynda reıtıngi tómen quramalar shırek fınaldyń qalǵan úsh joldamasyn sarapqa saldy. Nátıjesinde Kanada, Shveıtsarııa, AQSh, Fınlıandııa jarysty jalǵastyrýǵa múmkindik aldy.
Búgin, 14 aqpanda jartylaı fınalda Kanada men Shveıtsarııa, AQSh pen Fınlıandııa qyzdary ózara básekege túsedi. 3-oryn 16 aqpanda ótkizilse, 17 aqpanǵa fınal belgilengen.
Eske salsaq, 4 aqpanda Qysqy Olımpıada oıyndary saltanatty túrde ashyldy .
Aıta keteıik, XXIV qysqy Olımpıada oıyndaryna Qazaqstan quramasynan barlyǵy 34 sportshy qatysýda. Olar 87 joldama jeńip alǵan bolatyn.
