Beıjiń-2022: Shaıbaly hokkeıden áıelder arasynda fınalǵa shyqqan quramalar anyqtaldy

NUR-SULTAN. QazAqparat - Qytaıdyń Beıjiń qalasynda ótip jatqan qysqy Olımpıada oıyndarynda shaıbaly hokkeıden áıelder arasynda fınalǵa shyqqan quramalar anyqtaldy, dep habarlaıdy QazAqparat tilshisi.

Jartylaı fınalda Kanada Shveıtsarııany 10:3, AQSh Fınlıandııa 4:1 esebimen jeńdi..

Endi 16 aqpanda 3-oryn úshin Fınlıandııa men Shveıtsarııa básekege tússe, 17 aqpanda fınalda Kanada men AQSh qyzdary muzaıdynǵa shyǵady.

Al erler arasynda búgin, 15 aqpanda pleı-off satysynda Slovakııa men Germanııa, Danııa men Latvııa, Chehııa men Shveıtsarııa, Kanada men Qytaı quramalary tartysqa túsedi.

16 aqpanda shırek fınal satysynda AQSh quramasy Slovakııa/Germanııa, Fınlıandııa Chehııa/Shveıtsarııa, Reseı Danııa/Latvııa, Shvetsııa Kanada/Qytaı juptarynyń jeńimpazymen kezdesedi.

Jartylaı fınal 18 aqpan belgilengen. Al 3-oryn úshin saıys 19 aqpanda ótkizilse, 20 aqpanda fınal bolady.