Beıjiń-2022: Shańǵyshylarymyz 10 shaqyrym qashyqtyqta TOP-50 qataryna kire almady

NUR-SULTAN. QazAqparat - Búgin Beıjiń Olımpıadasynda áıelder arasynda shańǵy jarysynan klassıkalyq stılden 10 shaqyrymdyq báseke ótti, dep habarlaıdy QazAqparat tilshisi.

Atalǵan dodada el namysyn Valerııa Tıýleneva, Ksenııa Shalygına, Angelına Shýryga jáne Nadejda Stepashkına bastaǵan tórt shańǵyshy qorǵady.

Ókinishke qaraı atalǵan qashyqtyqta jerlesterimiz máre syzyǵyn úzdik nátıjemen kese almady.

Naqtyraq aıtsaq, Angelına Shýryga jarysty 52-orynmen aıaqtasa, odan keıin Ksenııa Shalygına máre syzyǵyn 53-shi bolyp kesti.

Nadejda Stepashkına márege 57-shi bolyp keldi. Valerııa Tıýleneva 59-oryndy qanaǵat tutty.

Shańǵy jarysynan klassıkalyq stılden 10 shaqyrymdyq básekeniń bas júldesin norvegııalyq shańǵyshy Tereze Iohaýg jeńip aldy.

Ekinshi jáne úshinshi oryndardy Fınlıandııa sportshylary Kerttý Nıskanen men Krısta Permıakoskı qanjyǵasyna baılady.